旅遊攻略—金澤（東茶屋街）
曾經有聽人講過金澤有小京都之稱，可能因為金澤都有一份好濃厚既古典氣息啦！今次我地要介紹既地方被稱為小京都絕對係當之無愧！
東茶屋街，由金澤JR站搭巴士大約係15分鐘既車程。如果你有時間，我提議你可以考慮由車站行過去，路程大約都係半個鐘，但就可以感受到沿途懷舊嘅氣息！沿路嘅建築物都非常古舊，而且有好多用木建設嘅小屋。穿過一條河之後，就抵達東茶屋街啦。可能因為係淡季，而且旅遊業仲未發展得好完善，呢條街相對之下都非常寧靜。行到入去，左右兩邊都有好多賣和果子嘅鋪頭，而且有好多茶屋。如果你有時間，可以選擇一間入去慢慢享受吓日式嘅綠茶配合和果子，好悠閑咁過一個下午。
沿住條街一直行，左轉就會見到一間比較多人嘅店舖。呢間鋪頭主要系買金箔造成嘅產品，其中最特別嘅，就係金箔雪糕。佢既雪糕有兩個款式，以我個人推介嘅就係一大塊金箔貼上去嘅雪糕。所謂人一世物一世，點都應該豪一豪嘅！更何況呢杯雪糕都只係講緊863円！要來厄like都已經超值啦！而且個雪糕係超級滑，而且牛奶味超香，以呢個價錢來講，絕對超值！
仲有啊，如果你係近傍晚嘅時間黎，好多店舖仲會有藝妓嘅表演！係呢條街，你仲可以買到唔同有金澤特色嘅手信，包括各式各樣嘅和果子，用金箔造成嘅產品。當金澤仲未成為強國人所度嘅熱門旅遊景點，呢度真係可以俾你慢慢享受吓日本懷舊嘅情懷。
下一集，我哋會繼續講下金澤有啲乜嘢特色嘅手信，大家記住留意啦！
Search